Барысаў

На "Дзень едіненія"

Палата прадстаўнікоў разгледзіць пытанне аб прызнанні незалежнасці Паўднёвай Асеціі і Абхазіі 2 красавіка, абяцае Валерый Іваноў. Тым часам для Захаду ўкінутая іншая чутка: пракурор Бажэлка вернецца на пасаду і да справаў пра палітычныя знікненні.

Пра гэта 22 студзеня ў Маскве на прэс‑канферэнцыі паводле вынікаў сустрэчы кіраўнікоў дэлегацый парламентаў дзяржаў — членаў АДКБ у Парламенцкай асамблеі АБСЕ заявіў намеснік старшыні ніжняй палаты беларускага парламента Валерый Іваноў, паведамляе РІА Новости.

"Гэтае пытанне абмяркоўваецца сярод дэпутатаў палаты прадстаўнікоў. Рашэнне будзе прынята на сесіі 2 красавіка.

Мы вядзем дыялог сярод дэпутатаў палаты прадстаўнікоў, і калі будзе прынята рашэнне, мы яго аб’явім", — сказаў ён.

У палату прадстаўнікоў адозвы Абхазіі і Паўднёвай Асеціі з просьбай прызнаць іх незалежнасць паступілі ў лістападзе — пачатку снежня 2008 года.

24 снежня Аляксандр Лукашэнка заявіў, што парламент Беларусі разгледзіць пытанне аб прызнанні незалежнасці Паўднёвай Асеціі і Абхазіі пасля Новага года. "І калі будзе на тое воля народа, прэзідэнт падпіша адпаведныя дакументы", — сказаў ён.

15 студзеня Еўрапарламент прыняў рэзалюцыю, у якой вітаецца "пазіцыя беларускіх уладаў, нягледзячы на велізарны ціск, не прызнаваць незалежнасць Паўднёвай Асеціі і Абхазіі".

Тым часам для Захаду ўкінутая іншая чутка: пракурор Бажэлка вернецца на пасаду і да справаў пра палітычныя знікненні. Такая інфармацыя была злітая парталу "Белорусскій партізан".

МБ; інф. БелаПАН

Паводле nn.by