Барысаў

Устаноўка беларускай мовы на камп’ютэры выкліча нязручнасьці для карыстальнікаў

«Беларуская мова не карыстаецца попытам», «устаноўка беларускай мовы на камп'ютэры выкліча нязручнасьці для астатніх карыстальнікаў».

Гэта цытаты з адказу, які я атрымаў на мой запіс у кнігу скаргаў і прапановаў аддзяленьня паштовай сувязі‑11, якое знаходзіцца на Менскім чыгуначным вакзале. Я прасіў даінсталяваць на кампутарах грамадзкага карыстаньня беларускую мову.

Дарагія сябры, вялікая просьба, калі будзеце на вакзале, зайдзіце ў пункт карыстаньня інтэрнэтам (праз галоўны ўваход направа ў залю прыгарадных касаў і адразу па сходах угору на другі паверх). Запішыце ў кнігу скаргаў просьбу паставіць беларускамоўную раскладку. Плаціць за інтэрнэт не абавязкова, можна проста запытацца, ці стаіць на кампутарах беларуская мова. Уся працэдура зойме да 10 хвілін Вашага часу. Асаблівая просьба да гасьцей нашай сталіцы: спасылаюцца, што Вам беларуская мова не патрэбная, гэта толькі мы такія ў Менску «інцелягенты».

Алесь Міхалевіч