Барысаў

У Салаша сканфіскавалі кнігу

Учора ўвечары на летувіска-беларускай мяжы быў затрыманы на гадзіну і дваццаць хвілінаў цягнік Вільня-Масква. Прычынай затрымкі зьявілася падвышаная цікавасьць прадстаўнікоў памежных і мытных ворганаў да асабістых рэчаў і грошаў Сяргея Салаша – лідэра ГІ “За чысты Барысаў!” і кіраўніка барысаўскай арганізацыі Партыі БНФ.

Супрацоўнікі ашмянскай мытні правялі дасканалы догляд рэчаў, напрыклад, корпаліся ў тубіку з-пад зубной пасты і спрабавалі ўскрыць скрынку зь дзіцячымі пазламі, набытымі Салашам у падарунак сваёй чатырохгадовай дачцэ. Найбольш цікавілі мытнікаў два пытаньні: колькі грошай перавозіць Салаш празь мяжу ў Беларусь і ці ёсьць сярод рэчаў нешта, што можа дыскрэдытаваць Рэспубліку Беларусь і Лукашэнку. Грошай аказалася малавата для таго, каб складаць акт пра канфіскацыю. У Сяргея было ў наяўнасьці каля 50 даляраў, 30.000 беларускіх рублёў і 20 літаў. А вось кніга “Хто ёсьць хто ў Беларусі”, якая зьмяшчае сьціслыя біяграфічныя зьвесткі пра вядомых асобаў Беларусі засталася сканфіскаванай. Прычына – у кнізе была зьмешчана біяграфія Лукашэнкі і ягонага сына Віці.
Салаш мае абскардзіць дагляд і канфіскацыю біяграфічнага даведніка.

Барысаў: рэгіянальны партал