Барысаў

С.Салаш спрабуе прыцягнуць да адказнасьці старшыню ўчастковай камісіі №12 А.Барысёнка

Ідэалягічны працаўнік Аляксандар Барысёнак забараніў Салашу назіраць за працэсам падліку галасоў на выбарчым участку №12, які знаходзіўся ў памяшканьні СШ-20. Гэтым самым парушыўшы прынцып адкрытасьці і галоснасьці выбараў, замацаваны ў арт.13 Выбарчага Кодэксу. Салаш склаў акт і накіраваў адпаведную заяву ў Пракуратуру Барысаўскага раёну.

У заяве, між іншым, Сяргеем Салашам адзначаецца:
“28.09.2008 прыкладна а 20-30 старшыня ўчастковай камісіі №12 Барысёнак Аляксандр Іванавіч у грубай манеры забараніў мне, даверанай асобе кандыдата ў дэпутаты Букаса А.У. Салашу С.А., назіраць за падлікам галасоў на ўказаным вышэй участку. Уцямных матываў забароны Барысёнак А.І. не прад’явіў. Маё адхіленьне ад назіраньня Барысёнк А.І. зьдзяйсьняў з выкарыстаньнем фізычнай сілай. Барысёнак А.І. схапіў мяне за правую руку, спрабуючы выштурхнуць з памяшканьня, у якім знаходзіўся выбарчы ўчастак. Лічу паводзіны Барысёнка А.І. грубейшым парушэннем Выбарчага Кодэкса арт.13”.

Як адрэагуе Пракуратура на падобную заяву, зрэшты, няцяжка здагадацца…

Барысаў: рэгіянальны партал